საქართველოს საპატრიარქოს ა(ა) იპ წმინდა ილია მართლის სახელობის ყვარლის გიმნაზია მეთორმეტე კლასის მოსწავლეებს გილოცავთ სკოლის დამთავრებას.
„დაიმახსოვრეთ, თუ გეცოდინებათ გულწრფელი მადლობის და ბოდიშის გადახდა თქვენ გექნებათ მშვიდობა, მიიღეთ კარგი განათლება და ემსახურეთ ქვეყანას, პატივი ეცით მშობლებს ."
ნეკრესელი მიტროპოლიტი სერგი
მაისი 2020 წელი
ნეკრესის ეპარქიის მმართველის მიტროპოლიტი თეოდორეს ლოცვა-კურთხევით, საქართველოს საპატრიარქოს ილია მართლის სახელობის ყვარლის გიმნაზიაში მეთორმეტე კლასის კურსდამთავრებულთათვის , გიმნაზიის მოძღვრებმა ყოვლადწმინდა ღვთისმშობლის პარაკლისი გადაიხადეს და შეკრებილი ახალგაზრდები,თანატოლებთან ერთად დალოცეს :
“გილოცავთ , გიხაროდეთ , გფარავდეთ ყოვლადწმინდა სამების მადლი, მშვიდობიან საქართველოში გეცხოვროთ. გიყვარდეთ ერთმანეთი და გაუფრთხილდით მეგობრობას. არასდროს შეგეშინდეთ_ ჩიხი არ არსებობს, გვიგულეთ თქვენს იმედად. ღმერთმა მოგმადლოთ სიყვარულისა და სულიწმინდის მადლი."
დეკანოზი ბადრი არჩუაძე
ქრისტიანობა, სიყვარული და ღმერთთან ურთიერთობა, ის რასაც მეუფე სერგი გაკვეთილებზე გასწავლიდათ და სკოლაში ნერგავდა გისურვებთ გაატაროთ თქვენს ცხოვრებაში. მიყვარხართ ,ღმერთმა დაგლოცოთ, მადლობა თქვენს დამრიგებელს ეთერი მასწავლებელს.
გისურვებთ წარმატებას და გლოცავთ.
მღვდელი გიორგი გაფრინდაშვილი
მადლობას გიხდით სტუმრებს მობრძანებისა და დღევანდელი სიხარულის გაზიარებისთვის. მადლობა კლასის დამრიგებელს ეთერი მასწავლებელს და ყველა პედაგოგს რომლებიც ჩვენს მეთორმეტე კლასელებს პირველი კლასიდან დღემდე მათი სწავალა-განათლების პროცეში იყავით ჩართული, მადლობა თქვენ ბავშვებო იმ მადლიერების გამოხატვისა და გააზრებისთვის რასაც მეუფე სერგი მუდამ გვასწავლიდა.
მეუფე სერგის სკოლის დამთავრების შემდგომ არ შეუწყვიტავს ურთიერთობა თავის კლასელებთან , სიცოცხლის ბოლომდე ყოველ წელს იკრიბებოდნენ, სიყვარულით, იმედით, ნუგეშით და სიხარულით ავსებდნენ ერთმანეთს. გისურვებთ არ დაკარგოთ ერთმანეთი, ყოველთვის გქონდეთ მადლიერების გრძნობა, კეთილი საქმის კეთების უნარი და მეგობრობის მადლი.
გიორგი არჩუაძე
დირექტორი
მეთორმეტე კლასის დამრიგებელმა ეთერ რუსიაშვილმა მადლიერება გამოხატა სკოლის პედაგოგების, ადმინისტრაციის და მმართველი მღვდელმთავრების მიმართ, სიყვარულით დალოცა მოსწავლეები ,გაიხსენა მათი ბავშვობა და ისაუბრა იმ პასუხისმგებლობაზე როგორც კლასის დამრიგებელს, მასწავლებელს და მშობელს ჰქონდა.
სკოლის ბოლოზარი მეთორმეტეკლასელებმა შემოქმედებითად და მხიარულად აღნიშნეს ღონისძიება დასრულდა მათი კლასელის ვიდეოზარით, რომელიც ევროპიდან დიდი სიყვარულით ჩაერთო თანატოლებს .
ყვარლის გიმნაზიაში დამკვიდრებული ტრადიციის თანახმად კურსდამთავრებულებმა გიმნაზიის ეზოში ხე დარგეს რომელზეც იზრუნებენ.
ღონისძიებას ესწრებოდნენ გიმნაზიის მოსწავლეები, მშობლები , პედაგოგები, ყვარლის კულტურის სამსახურის, საკრებულოს, მუნიციპალიტეტის და ილია ჭავჭავაძის სახლ-მუზეუმის წარმომადგენლები და ხელმძღვანელი პირები.
24.05.2022