სიახლეები
🕊 ყვარლის სკოლა-გიმნაზიაში ტრადიციული #ლიტერატურული_ხუთშაბათობა გრძელდება. 📖 ყოველ ხუთშაბათს, მოსწავლეებს შესაძლებლობა აქვთ გიმნაზიის "აფხაზეთის " სახელობის ბიბლიოთეკაში საყვარელ წიგნთან , პერსონაჟებთან და მეგობრებთან ერთად ლიტერატურულ სამყაროში იმოგზაურონ. #ემეგობრეწიგნს #წიგნის_დღე_გიმნაზიაში 16.04.26
სკოლა-გიმნაზიის მეორე კლასელებმა ქართულის გაკვეთილზე აკაკი წერეთლის ლექსი "ყმაწვილი და პეპელა" გააცოცხლეს. გაიაზრეს მთავარი სათქმელი - სხვისი თავისუფლების პატივისცემა და სიკეთის კეთების სიხარული. აღსანიშნავია, რომ ლექსის შინაარსის გადმოცემა ინსცენირების სახით მოსწავლეებს ასწავლის მკაფიოდ მეტყველებას, ტექსტის შინაარსის ეფექტურად გადმოცემას, ემოციის გამოხატვას, ერთმანეთის მოსმენას და გუნდურ მუშაობას. #მასწავლებელი თინიკო ყულიჯანიშვილი #ყვარლის_სკოლა_გიმნაზია 16.04.26
📬🪿 გაკვეთილის თემა- დ.ბისეტის ,,ყიყინა საფოსტო ყუთი" 💌 გაკვეთილის მსვლელობა და აქტივობები: 🪔თვალსაჩინოებები და ვარაუდების გამოთქმა 💭 💻პრეზენტაცია 📚,,კითხვის თეატრი" 💭მთავარი სათქმელის გამოტანა და მსჯელობა. 📖 მწერალმა ეს ამბავი მართლაც დაინახა შემდეგ კი ასეთი ზღაპარი მოიგონა... ჩვენ ვაკვირდებით ჩვენს ირგვლივ არსებულ მოვლენებს? შეგვიძლია ჩვენც მივცეთ ყველაფერს ზღაპრული სახე? სწორედ ამ მიზნით ჩვენ წინა კვირაში გავაკეთეთ ხელნაკეთი წიგნები და დღეიდან დავიწყებთ მასში საავტორი ზღაპრების წერას. #საგანი ქართული #კლასი III #პედაგოგი ხატია ჭაღოშვილი
საქართველოს საპატრიარქოს წმინდა ილია მართლის სახელობის ყვარლის სკოლა-გიმნაზიაში სწავლა აღდგომის დღესასწაულთან დაკავშირებული სიხარულის გაზიარებით განახლდა. გაკვეთილებმა, მეგობრებთან თამაშმა , სადღესასწაულო სადილმა და მოსწავლეების მიერ შესრულებულმა აღდგომის საგალობლებმა დღევანდელ დღეს განსაკუთრებული ,კეთილი ემოციები შესძინა. #გიმნაზია 15.04.26
#განცხადება სააღდგომო არდადეგების შემდგომ სკოლა-გიმნაზიაში სასწავლო პროცესი 15 აპრილს განახლდება. გისურვებთ წარმატებებს. საქართველოს საპატრიარქოს წმინდა ილია მართლის სახელობის ყვარლის სკოლა-გიმნაზია
14 აპრილი ქართული ენის დღეა. 🕊️წმინდა ილია მართლის სახელობის ყვარლის სკოლა-გიმნაზია გილოცავთ #სახელმწოფო_ენის დღეს. '🕊️'სამი ღვთაებრივი საუნჯე დაგვრჩა ჩვენ მამა-პაპათაგან: მამული, ენა, სარწმუნოება. თუ ამათ არ ვუპატრონეთ, რა კაცები ვიქნებით, რა პასუხს გავსვემთ შთამომავლობას? …..სხვისა არ ვიცით და ჩვენ კი მშობელ მამასაც არ დავუთმობდით ჩვენ მშობლიურ ენის მიწასთან გასწორებას…. ენა საღმრთო რამ არის, საზოგადო საკუთრებაა, მაგას კაცი ცოდვილის ხელით არ უნდა შეეხოს…” წმ. ილია მართალი (ჭავჭავაძე)
სიახლეების არქივი