🕊️გიმნაზია #ჩვენიგარემო
✨გილოცავთ ყოვლადწმინდა ღვთისმშობლის შობის დღესასწაულს. ტროპარი: შობამან შენმან, ღმრთისმშობელო ქალწულო, სიხარული აუწყა ყოველსა სოფელსა, რამეთუ შენგან აღმოგჳბრწყინდა მზე სიმართლისა, ქრისტე ღმერთი ჩუენი, დაჴსნა წყევა, და მოგუმადლა კურთხევა და განაქარვა სიკუდილი, და მოგუანიჭა ჩუენ ცხორებაჲ საუკუნოჲ.
👩🎓🧑🎓მოხარული ვართ გაცნობოთ, რომ საქართველოს საპატრიარქოს წმინდა ილია მართლის სახელობის ყვარლის გიმნაზიის 2023-2024 სასწავლო წლის კურსდამთავრებულები სექტემბრიდან სტუდენტურ ცხოვრებას წარმატებულ უნივერსიტეტებში გააგრძელებენ. 🧑⚕️👩🏫👨💼👩💻მათი არჩევანი ასეთია : თბილისის სახელმწიფო სამედიცინო უნივერსიტეტი; თბილისის ივანე ჯავახიშვილის სახელობის სახელმწიფო უნივერისტეტი, საქართველოს საპატრიარქო გრემის სასულიერო სემინარია; საქართველოს საზოგადოებრივ საქმეთა ინსტიტუტი;ბიზნესისა და ტექნოლოგიების უნივერსიტეტი, პროფესიული კოლეჯი „პრესტიჟი“ . 🕊ერთიანი ეროვნული გამოცდების საბოლოო შედეგებით, საქართველოში „წელს უმაღლეს სასწავლებელში სწავლის გაგრძელების უფლება 32 000-ზე მეტმა აბიტურიენტმა მოიპოვა. რაც ჩარიცხვის უფლების მქონე გამოსაცდელების დაახლოებით 80%-ს შეადგენს“ . 🕊2024 წელს სახელმწიფო გრანტი მოიპოვა 6 500-ზე მეტმა აბიტურიენტმა. მათშორის არიან გიმნაზიის კურსდამთავრებულები რომლებმაც 70%-იანი და 50 %-იანი გრანტები მიიღეს . 🕊 საქართველოს საპატრიარქოს წმინდა ილია მართლის სახელობის ყვარლის გიმნაზიის სახელით ვულოცავთ 2024-2025 სასწავლო წლის პირვეკურსელებს სტუდენტობას . ვუსურვებთ მშვიდობას, ბედნიერ სტუდენტურ დღეებს და ასევე პიროვნულ, აკადემიურ და პროფესიულ განვითარებას სამშობლოს ,ოჯახისა და გარშემომყოფთა საკეთილდღეოდ. #გიმნაზია #წარმატებული_გიმნაზიელები
#ამონარიდი_პატრიარქის_ქადაგებიდან. 27.09.2005 "დღეს არის დღე სიხარულისა და მწუხარებისა. სიხარულისა იმიტომ, რომ ჯვართამაღლებაა და მწუხარებისა იმიტომ, რომ სოხუმის დაცემის დღეა. დღე ჩვენი დიდი განსაცდელისა და ტკივილისა! უფალი განსაცდელს იმიტომ გვიგზავნის, რომ უფრო ახლოს ვიყოთ მასთან. აფხაზეთის დაცემაც, – ეს არის ამ კუთხის დროებითი მოწყვეტა საქართველოდან, და არა სასჯელი ღვთისა! ეს არის გამოცდა ჩვენი ერისა და ჩვენი ქვეყნისა. ჩვენ კეთილი და მშვიდობიანი მომავლის იმედი გვაქვს. და შევთხოვთ უფალს, რომ მალე დადგეს ის ბედნიერი დღე, როცა საქართველოს გამთლიანებას ერთად იზეიმებს ქართველიც, აფხაზიც, ოსიც და სხვა ერის შვილებიც"
🏆🥇ჩემპიონები: ✨ავთო კანდელაკი,ლუკა თუშურაშვილი, გიორგი სიდამონიძე, პეტრე ჯანგიძე. ✨მასწავლებელი ვანო უსეინაშვილი. #გილოცავთ! #ევროპისსასკოლო_სპორტის_კვირეული მაგიდის ჩოგბურთში წარმატებით დავიწყეთ. ორგანიზატორი: 🕊️ @საქართველოს ბავშვთა და სასკოლო სპორტის ეროვნული ფედერაცია. ყვარლის მუნიციპალიტეტის მერია
გილოცავთ ჯვართამაღლების დღესასწაულს! #ქართველმა_ერმა გადაიხსნა გული და შიგ დაიმარხა ჯვარი პატიოსანი, თვითონაც ჯვარს ეცვა და არავის კი არ შეარყევინა არც თავისი გული და არც გულში ღრმად და მკვიდრად დამარხული ჯვარი. მას აქეთ თხუთმეტი საუკუნე გულში ჯვრით, ხელში ხმლით იბრძოდა, იღვწოდა, სისხლს ღვრიდა ქართველი კაცი და ნათელი ბნელით ვერავინ შეაცვლევინა. წმინდა #ილია_მართალი_ჭავჭავაძე
19 სექტემბერი საქართველოს საპატრიარქოს წმინდა ილია მართლის სახელობის ყვარლის გიმნაზიის დამფუძნებლის, ნეკრესელი მიტროპოლიტი სერგის გარდაცვალების დღეა. დღეს, ნეკრესის ეპარქიის მმართველმა ახალციხისა და ტაო-კლარჯეთის მიტროპოლიტმა თეოდორემ და ხონისა და სამტრედიის მიტროპოლიტმა საბამ ლაგოდეხში, ყაზანის ყოვლადწმინდა ღვთისმშობლის სახელობის ეკლესიაში წირვა აღავლინეს და ნეკრესელი მიტროპოლიტი სერგის სულის საოხად პენაშვიდი აღასრულეს. წირვას ესწრებოდნენ გიმნაზიის საზოგადოების წარმომადგენლები _თანამშრომლები,მასწავლებლები და მოსწავლეები. მადლობას ვუხდით მეუფე სერგის, როგორც მოძღვარს და მასწავლებელს სულიერი ცხოვრების მაგალითისა და სწავლებისათვის.
დღეს, 20 აგვისტოს 6-საათზე გიმნაზიაში გელოდებით მშობლებს ბავშვებთან ერთად. სკოლის ფორმების ზომების ასაღებად!
🕊️გილოცავთ ფერისცვალების ბრწყინვალე დღესასწაულს.
ტროპარი:
მთასა ზედა ფერი იცვალე, ქრისტე ღმერთო, და უჩუენე მოწაფეთა შენთა დიდებაჲ შენი ძალისაებრ მათისა და გამოგვიბრწყინვე ჩუენცამ ცოდვილთა ნათელი შენი მიუაჩრდილებელი, მეოხებითა ღმრთისმშობელისათა ნათლისა მომცემელო უფალო, დიდება შენდა.
2008 წლის აგვისტოს ომის მეთექვსმეტე წლისთავთან დაკავშირებით, სამშობლოსათვის თავდადებულთა პატივისცემის ნიშნად საქართველოს საპატრიარქოს წმინდა ილია მართლის სახელობის ყვარლის გიმნაზიაში დროშები დაეშვა.
🕊️საქართველოს საპატრიარქოს წმინდა ილია მართლის სახელობის ყვარლის გიმნაზიის სახელით ვულოცავთ სრულიად საქართველოს კათოლიკოს-პატრიარქს, მცხეთა-თბილისის მთავარეპისკოპოსს, ბიჭვინთისა და ცხუმ-აფხაზეთის მიტროპოლიტს , უწმიდესსა და უნეტარესს ილია მეორეს ანგელოზის დღეს. 🕊️ მრავალჟამიერ თქვენი სიცოცხლე პატრიარქო.
🕊️ გიმნაზიის მოსწავლეები თბილისში კონოთეატრს ესტუმრნენ. ✨ 3D ანიმაციის ძირითადი სიუჟეტი 13 წლის რაილის ტვინში ვითარდება და მაყურებელი ემოციებს პერსონაჟების სახით ეცნობა. 🕊️პერსონაჟებიდან კი მნიშვნელოვან როლს სიხარული ასრულებს. #გიმნაზია2024წელი_ივლისი #შემეცნებადაგართობა
🕊️გილოცავთ ვლაქერნობას - ყოვლადწმინდა ღვთისმშობლის კვართის დღესასწაულს.
🕊️გილოცავთ პეტრე-პავლობას! ტროპარი: მოციქულთა თავნო და ყოვლისა სოფლისა მოძღვარნო, მაცხოვარსა ყოველთასა ევედრენით, რაჲთა მოსცეს სოფელსა მშვიდობაჲ და სულთა ჩვენთა დიდი წყალობაჲ.
🕊️8 ივლისს, გიმნაზიას საქართველოს ეროვნული ნაკრების წევრი ფრენბურთელი ლიზი ლობჟანიძე სტუმრობდა. 🏐 გიმნაზიის ფრენბურთის გუნდის წევრებთან სამოტივაციო ხასიათის შეხვედრა მეგობრულ გარემოში შედგა. ✨წარმატებულმა ფრენბურთელმა მოსწავლეებს სპორტში საკუთარი გამოცდილება გაუზიარა. 🏐დღის ბოლოს კი გიმნაზიის ფრენბურთელ გოგონათა გუნდსა და „vc_Tbilisifoxes”-ს შორის ფრენბურთში ამხანაგური მატჩი შედგა. 🕊️ საქართველოს საპატრიარქოს წმინდა ილია მართლის სახელობის ყვარლის გიმნაზიის სახელით მადლობას ვუხდით პროფესიონალ ფრენბურთელს გულთბილი შეხვედრის, გამოცდილების გაზიარებისა და იმ სიხარულისთვის რომელიც გიმნაზიის ფრენბურთელთა გუნდებს მიანიჭა. @Lizzi Lobzhanidze გისურვებთ წარმატებებს <3 #გიმნაზიის_ფრენბურთელ_გოგონათაგუნდი.2024 #მწვრთნელი_მანანა_კოჭლამაზაშვილი❤️
🕊,,ქართული თეატრი ქართველთათვის ბევრის სიკეთის მომასწავებელია..."_წმ.ილია მართალი ჭავჭავაძე. 🕊შოთა რუსთაველის სახელობის ეროვნული თეატრის საჩუქარი გიმნაზიას. 🎭 ექსკურსია თეატრში 🎭 მეტყველების მასტერკლასი და სარეპეტიციო მზადება. შემეცნებითი და შემოქმედებითი დღისთვის მადლობას ვუხდით რუსთაველის ეროვნულ თეატრს, ქალბატონ თეა მარგველაშვილს, ქალბატონ ეკატერინე ჟვანიას, მეტყველების პედაგოგს მსახიობს ქალბატონ თამუნა ნიკოლაძეს და თეატრის დირექტორს ბატონ გია თევზაძეს. #გიმნაზია2024 #ხელოვნება #მასტერკლასი Rustaveli National Theatre • რუსთაველის ეროვნული თეატრი
🕊️გილოცავთ წმინდა იოანე ნათლისმცემლის შობის დღესასწაულს. ტროპარი: წინა-მორბედო და ნათლის-მცემელო იოანე, უდაბნოსა მოქალაქეო, რომელსა გესმა საღმრთო იგი ხმა მამისა, რომელი ღირს-იქმენ ძისა და უფლისა ნათლის-ცემად და იქმენ მხილველ სულისა წმიდისა, და ყოველთა გვიქადაგე ნათლისღება სინანულისა, ჩუენ ცოდვილთაცა მეოხ-გვეყავ, რათა ლოცვითა შენითა მოვიღოთ შენდობა ცოდვათა.
გილოცავთ სულთმოფენობას!
სიახლეების არქივი
კონტაქტი
- ა(ა)იპ საქართველოს საპატრიარქოს წმ. ილია მართლის სახელობის ყვარლის გიმნაზია
- 595955159
- ჭავჭავაძის ქ. 25
ყვარელი
კახეთი
Georgia
ანგარიშში შესვლა
Powered by aSc EduPage